MMC-nin insan resursları siyasəti istehsal və xidmət sahələri üzrə qarşıya qoyulan məqsədlərə çatmaq üçün zəruri insan resurslarının formalaşdırılması, effektiv idarə edilməsi ilə səmərəli fəaliyyətinin və korporativ dəyərlərin təmin edilməsi məqsədilə hazırlanmışdır.
Siyasətimizin meyarları
-
İnsan resurslarının idarə edilməsi ilə bağlı bütün prosesləri beynəlxalq təcrübəyə uyğun və mövcud qanunvericiliyin tələblərinə müvafiq olaraq sənədləşdirmək və icra etmək;
-
İşə qəbulu, işçilərin yerdəyişməsini və karyera inkişafını, həmçinin xidməti fəaliyyətin qiymətləndirilməsini, peşəkarlıq və fərdi keyfiyyət göstəricilərinin ölçülməsini şəffaflıq, dürüstlük və ədalətlilik prinsipləri əsasında, hər kəsə bərabər imkanlar yaradaraq həyata keçirmək;
-
İşçilərin səriştəlik səviyyəsini artırmaq, prosesləri optimallaşdırmaq, dəyişikliklərə uyğunlaşmaqla çevik qərarlar verməklə davamlı inkişaf tədbirlərini müəyyənləşdirmək və təşkil etmək;
-
İşçilərin səmərəli fəaliyyətinin təşkil edilməsi məqsədilə sağlam əmək şəraitini, qarşılıqlı dəstək, uğurları paylaşmaq, hörmət prinsiplərinə əsaslanan korporativ mühiti formalaşdırmaqla vahid komanda olmaq;
-
İnsanların sağlamlığını, əməyin təhlükəsizliyini və ətraf mühitin mühafizəsini təmin etməklə bağlı önləyici fəaliyyətlərin tərkib hissəsi kimi davamlı olaraq uyğun təlim və maarifləndirməni həyata keçirmək;
-
Bütün kateqoriya üzrə əməkdaşların müəyyənləşdirilmiş işə sahiblənməsi və fəaliyyətlərini yüksək mənəvi prinsiplər üzərində qurmaqla nəticələrinə görə məsuliyyətini təmin etmək;
-
Gələcək nəsillər nəzərə alınmaqla fəaliyyətimizin nəticələrindən təsirlənən bütün tərəflər daxil olmaqla, əməkdaşlarımıza hərtərəfli qayğını təmin etmək;
-
İşçilərin Homkarlar İttifaqına könüllü üzv olmaq hüququnu dəstəkləyir və Həmkarlar ittifaqı üzvlərinin bütün hüquqlarını tanıyır;
-
İnsan Resurslarının İdarəedilməsi ilə bağlı görülən işlərin əməkdaşlara, o cümlədən maraqlı tərəflərə əlçatan olmaqla dürüst hesabatlılığının şəffaf şəkildə təmin edilməsi;
-
Bütün işçilərin müvafiq qaydaya uyğun şəkildə maddi və qeyri-maddi motivasiyası, istirahət hüququ, sığortalanması, tibbi xidmətlərlə təmin edilməsi və heç bir baxımdan ayrıseçkiliyə yol vermədən digər sosial dəstəyin göstərilməsi;
-
Mütəmadi olaraq əmək gərginliyinin səviyyəsinin müəyyən edilərək, müvafiq nizamlayıcı tədbirlərin görülməsi;
-
Fəaliyyətimizdə MMC-nin “İşgüzar Davranış Kodeksi və Rüşvətxorluğa və Korrupsiyaya Qarşı Mübarizə Siyasəti” hər zaman rəhbəredici sənəd kimi qəbul edilərək təbliğ və riayət edilir.